ناس وناس

أبو المفاهيم: غَبْشة يا غبوش ..شفتي أحوال الناس كيف صارت..؟؟

غَبْشَة: أي ناس ..؟ إللي في أمريكا ..وإلاّ إللي في هولندا؟؟

أبو المفاهيم: يا مَرَة ..شو بدنا بالناس إللي في أمريكا وغيرها ..إحنا بدنا ناسنا إحنا..،،

غَبْشَة: إحنا مين ..؟؟ العرب ..يعني الناس إللي تونس والناس إللي في لبنان ..وإلاّ إيش..؟؟

أبو المفاهيم: يعني هاظول الناس بهمونا ..بس أنا قصدت ناسنا إحنا ..إللي في الأردن ..،،

غَبْشَة: أيوه ..هيك خلي حكيك واضح ..هسة الناس إللي في الأردن ..مين بالضبط ..إللي في معان ..وإلاّ في اربد ..وإلاّ في الغور ..وإلاّ في عبدون ..،،

أبو المفاهيم: ما كلهم ناسنا ..أقصدهم كلهم ..،،

غَبْشَة: حلو الكلام ..خصوصاً لما يكون محدد وواضح ..نرجع للسؤال الأوّل ..شو السؤال ..ذكرني فيه ..؟؟

أبو المفاهيم: صحيح ..شو السؤال ..؟؟ آآآآآآآه ..تذكرت ..شفت يا غبوش كيف أحوال الناس تغيرت ..؟؟

غَبْشَة: إللي بعمان الغربية مثل عبدون وغيرها ما تغيرت حالتهم ..بعدهم فوق فوق ..وإللي بالغور ما تغيرت حالتهم ..بعدهم تحت تحت ..،،

أبو المفاهيم: أنا قصدي الناس كاتلها الجوع ..

غَبْشَة: شو ..ما تقولي أهل عبدون مش لاقيين الشوكالاتة والبسكوت ..،،

أبو المفاهيم: لا أهل الغور إللي مش لاقيين الخبز ..؟؟

غَبْشَة: يعني جبت اشي جديد ..

أبو المفاهيم: بدنا حل للمساكين إللي ما حدا داير بالو عليهم

غَبْشَة: الحل يرحلوا على عمان ..وبس

أبو المفاهيم: وإذا ما رحلوش ..

غَبْشَة: ينطموا ويسكتوا وما يشكوش ..هاهاهاها

المراجع