أبو المفاهيم: يا خوي تعبان وحيران.. وشايف الديك أرنب..،،.
دعدوع: من إيش.. كفى الله الشر..؟؟.
أبو المفاهيم: تعبت من أسلوب الحكومة.
دعدوع: شو مالها الحكومة.. صار إللي ما إلو شغلة يحكي ع الحكومة..،،.
أبو المفاهيم: محتار فيها.. مش قادر أعرف مزاجها.. كل يوم شكل.. نفسي أعرف أظبط حالي على مزاجها.
دعدوع: وليش أصلاً تتعب حال وتركض ورا هالموضوع.. خلك إنت في حالك والحكومة في حالها.. وهيك ترتاح.
أبو المفاهيم: ما بتزبط معي هيك.. ما بقدر.. فيه إشي بحكني.. لازم يكون إلي راي باللي تسويه الحكومة.
دعدوع: لعاد بدك تتحمل.. إللي يمشي في هالطريق بدّو يتحمل الحريق.
أبو المفاهيم: بس بدي إياك تساعدني.
دعدوع : أساعدك بإيش.. أنا ما إلي بهالدواوين.
أبو المفاهيم: ولك ساعدني كيف أعرف كيف تقلب الحكومة مزاجها؟.
دعدوع: ولك الحكومة ما بتقلب مزاجها.. الحكومة بتقلب عيونها.. وهذا إللي.
أبو المفاهيم: وشو الحل معها؟ أقلب عيوني زيها؟.
دعدوع: مهي بتستنى بهيك قلبة.. لتقلب عليك.. القلبة إللي هيّة،.
أبو المفاهيم: والحل أقلب عليها يعني؟.
دعدوع: حبيبي.. أنا ما إلي بسوالفك الطرمة.. تقلب ما تقلب.. إنت حر.. المهم تقلب من هون.. واقلب وجهك.. ما أبردك،،.
المراجع
جريدة الدستور
التصانيف
صحافة كامل النصيرات جريدة الدستور