يعني بس النسوان إللي يطلعلهن "إجازة أمومة".. وإحنا شو مالنا..؟؟ مش إحنا بنتعب زيهن لمّا يخلفن..؟؟ مش الدار تتحوّل إلى "زيطة وزنبليطة" لمّا المَرة "تُمزُطلها عيّل"..؟؟ مش إحنا والنسوان شُركاء في "الواع ويع" لما يبلًّش إللي خلّفوه يعزف مقطوعة "ما أخلي حدا منكم ينام"..؟؟.
ذات مرة.. ذهبتُ للمدير الإداري.. قلت له: عارف إنو رصيد إجازاتي صار "ميح".. وعارف إنو لو أحط إيدي بإيد مين: ما رح أحصًّل إجازة.. بس أرجوك: بَحْبًشًلْنا بالقانون: بلكي فيه إجازة هيك وإلاّ هيك نقدر نستغلها.. يا خوك أنا بحاجة لإجازة طويلة..،، قال لي: لا تغلًّبْ حالك.. ما فيش إلك أي منفذ..؟؟ قلتُ له: يا زلمة: مَرتي حامل.. ما ينفع آخذ عليها إجازة أبوبة..؟؟ أنا حكيت هيك والمدير الإداري هات إللي يسكته من الضحك..،،.
عالم النساء عالم غريب.. الحرمة ما بتداوم طول السنة أربع خمس تشهر على بعضهن: ومع ذلك: تُعطى إجازات بالهبل.. من إجازة الأمومة: إلى إجازة بنتي مريضة.. إلى إجازة خالتي بدها تسشور شعرها.. إلى إجازة بدّي أقص أظافري..،،.
عن جد.. أنا بحاجة ماسة إلى إجازة أبوبة.. بحاجة أن أمارس دور الأب على أكمله.. ما زال عطائي في هذا المجال ناقصاً.. بحاجة إلى أن ابعد أولادي عن منظر الدم الفلسطيني الذي يملأ شاشات العار العربي..،،.
الفضائيات تسرق منّي بهجة الأبوّة.. وكأنها هي الأب الآن.. وأنا أرفض هذه الأبوّة: ولكن ما باليد حيلة..،، لذا.. عن جد وجد الجد.. أنا بحاجة إلى إجازة طويلة للأبوبة.. أريد أن أُؤسًّس من جديد للجيل الذي خلّفته في غمرة الدم العربي..،،.
المراجع
جريدة الدستور
التصانيف
صحافة كامل النصيرات جريدة الدستور