الله عليك يا حجة ..نور على نور ..تقبل الله الطاعات و كتبها لك في ميزان حسناتكً يوم القيامة ..بحكي عن الميزان يا حجة سارة : ميزان الله ..مش ميزان حفيدك الأمريكاني ..ميزان الله يا حجة إللي رايح يوقف فيه حفيدك أوباما مثله مثل غيره : صاغراً مترقباً ذليلاً : يطلب شفاعتك أنت يا حجة ويقول لك بلسان المرعوب : تيتا : سامحيني لأني ما رديت عليك ..لن يكون يومها رئيساً لأكبر أداة قهر في الوجود ..بل سيكون أكبر مرتد ترك الإسلام من أجل دمار أبناء الاسلام..
قالوا لي يا حجة: إنك دعوتً الله له في الحج أن يهديه للاسلام ..يا باي ما أحسنك يا حجة سارة ..أتخيلك مثل حجيّاتنا و جداتنا : تلهجين بالدعاء عَ الطالعة و النازلة : يا رب وفّق ابن حسين أوباما ..يا رب لا تكسر بخاطرو ..يا رب وقفلو اولاد الحلال بأي طريق يمشيها ...؟؟ وعند أولاد الحلال نوقّف شوية يا حجة ..خلّي حفيدك يحكيلي من أي طريق يمشي دايما وأنا رايح أبعث له كمشة من أولاد الحلال يوقفو بطريقو ..
خرب بيتنا حفيدك يا حجة سارة ..بعد ما فرحنا لأنو أجا ..طلع ( فشنك : طلقة فاضية إلنا ) وطلقة مليانة علينا ..قلنا أجا إللي رح يوقف معنا على الأقل من تحت لتحت : بس حرق تحتنا و خنقنا من فوق ومنعنا نتلفت "شمال وإلا يمين" ...حفيدك يا حجة سارة مثل حيّة التبن يلدغ و ينسل بشويش ولا كأنو عامل شي ..
آه يا حجة سارة ..آه : من حفيدك وعمايل حفيدك ..إذا بدك الله يهديه للاسلام عن جد : ادعيلو يا حجة بالأول قبل الاسلام إنو يعرف الله : وإذا عرف الله : يفرجها مع الإسلام ..حرام اللي يعملو فينا ..وحتى أزيدك من الشعر بيت : ترى حفيدك ( خصمنا يوم القيامة ) وكل واحد مسلم له معه مظلمة ..يا الله شو رايح يصير فيه يوم القيامة ..
حجة سارة ..إذا لم يهده الله ..أرجوك : لا تتشفعي فيه ..فإنه جزء من بلائنا الذي لم ينته بعد..
المراجع
جريدة الدستور
التصانيف
صحافة كامل النصيرات جريدة الدستور