حزّرْ فزّرْ

حزّرْ فزّرْ يا مواطن : شيء كلما ارتفع لا ينخفض ..وكلما طار لا يُهدّي ( الاجابات المقترحة: العصفور – نفس السيجارة- مش الأسعار )..

• حزّرْ فزّرْ يا مواطن : اشي اسمو( مفتوح) و في كل العالم ( مفتوح ) بس عندنا لما يكون اسمو ( مفتوح ) بعد أكمن ساعة يتم ( تعليقه ) و يبقى اسمو ( مفتوح ) ..( الاجابات المقترحة : الباب – الجاكيت – مش الاعتصام ) ..

• حزّرْ فزّرْ يا مواطن ..شغلة بتخنق ..كل ما تمشي فيها حاس حالك مش ماشي ..وما بتقدر تركض ..( الاجابات المقترحة : ازمة السير – الوقوف على الطابور – مش التنمية السياسية )..

• حزّرْ فزّرْ يا مواطن : لما تشوفو بتوبسو ..و تقعد محترم قدامو ..وبعد ما تخلص منو بتغسل إيديك منو ..( الاجابات المقترحة : المنسف – حظك- مش المسؤول الكبير)..

• حزّرْ فزّرْ يا مواطن : دايما يطلع في التلفزيون ..يحكي عنك ..ولولاك ما كان موجود ..( الاجابات المقترحة : المسلسل – الدعاية – مش دينار التلفزيون )..

• حزّرْ فزّرْ يا مواطن : اشي مهم كثير كثير ..بتخاف لما تجيب سيرتو ..كل تعبك و شقاك عشانو ..( الاجابات المقترحة : الشرطي – أولادك – مش مستقبلك ) ..

• حزّرْ فزّرْ يا مواطن : اشي بتحنلو ..نفسك ترجعلو ..شايف كبار هالأيام بيعملوه معك و إنت مش قادر حتى تعملو مع حالك ..( الاجابات المقترحة : الراتب- النوم الهانئ- مش الولدنة ) ..


المراجع

جريدة الدستور

التصانيف

صحافة   كامل النصيرات   جريدة الدستور  


مقالات قد تهمك

تصفح الموسوعة

المقالات الأكثر قراءة