على المواطن بسرعة و بدون تأخير أن يقتنع أنه ( بني آدم ) وليس قادماً من كوكب آخر ..
| شو هالمواطن إللي قاعد ( يجوح و ينوح ) طوال اليوم ..؟؟ | | مش هيك .. | | والله هاي آخرتها : ناقص علينا مواطن كل شويّة ينط و يقول أنا مواطن .. | | خلص يا أخي فهمنا إنك مواطن .. | شو يعني ..؟ نرقصلك ..؟؟ و إلا ليكون بدّك تحطّ راسك في حجرنا و نقعد نلعبلك بشعراتك و نهدهد عليك حتى تنام ..؟ إنت مواطن ؛ افهم ..مواطن .. | .
قال إيش ؟ كل شوية يطلعلنا واحد و يقول بملء الشدوق : أنا كواطن أطالب .. | | ها هاها ..إنت كإيش ؟؟ ها ها ها ..ضحكتني وأنا بدون إسنان ..و إيش بدّك ؟ تطالب ..؟؟؟ ها ها ها ها ..اسكت اسكت ..صحيح إنك مواطن مش عارف شو يعني مواطن .. |
تعال جاي ..كلها روس بصل ..وما في حدا أحسن من حدا ..و إنت طلعت و إلا نزلت بتظل مواطن ..وبرجع بقولك : بتعرف شو يعني مواطن ..؟؟ بتعرف ؟؟ حتى لما أقولك إنك مواطن بحس حالي بمدحك كثير ؛ عشان هيك بدّي أعيد صياغة الجملة : إنت مش مواطن ..إنت شقفة مواطن .. | |
بتعرف هسع شو يعني شقفة ..؟ يعني الشقفة إللي بتخرب يا بنغيرها يا بنصلحها ..ومن هنا نستنتج أن المواطن هو الوحيد القابل للتغيير و الاصلاح ؛ فقط لأنه شقفة .. | |
فهمت يا مواطن يا شقفة ..؟؟ | |
المراجع
جريدة الدستور
التصانيف
صحافة كامل النصيرات جريدة الدستور
login |