أعترف بإنني حضرتُ عبر التلفزيون الحصة الأخيرة من كلمات النواب التي سبقت رد الحكومة و التصويت على الثقة ..
| و أعترف بإنني حضرتها (غصب عنّي) لأني كنت قاعد عند ناس ما بحبوا هيك شغلات بس حطوها عشاني لأنهم يفكروني متابعاً شرهاً للنواب .. مش عارفين إني زهقان الحكي .. | | ولكنني استحيت أحكي للجماعة غيّروا القناة أو احضروا إللي بدكم إياه ..و لكن الإحراج و قمة الإحراج إنهم كانوا يسألوني عن هاظا مين ..؟؟ وهاظا ..وهاذي ..؟؟ أعترف بإنني ( أمّي ) في أسماء النواب و صورهم ..يا لجهلي ..صحيح مين هاظ ..؟؟ ومش هاظ و بس ..وهاظ وهاظ و هاظ ..؟؟؟ و الأحرج من هذا كله عندما كان التلفزيون يكتب اسم النائب الذي يقرأ ..فأتفاجأ بأنه نائب ..و أقول لنفسي : و أنا أقول وين سامع بهالأسم ..؟؟ |
عن جد أنا زودتها ..ما بيطلعلي هيك .. | | مش معقول أكون مقصر بحق النواب هيك ..هؤلاء نواب يا ولد يا كامل ..لو ناس ثانية ؛ مش مشكلة ..أمّا نواب الشعب ما بتعرفهم ..فعلاً عيب عليّ ..وهاي قرصة أذن عشان تتربى مرة ثانية و يصير عندك خبرة في أسماء النواب و أشكالهم .. | |
على فكرة : اكتشفتُ أيضاً أن تسعة و تسعين بالميّة من الشعب الأردني لا يعرفون ( نواب الشعب ) .. | | طيب بصير هيك يا شعب .. | | أرجو من الشعب الأردني الكريم التوقّف فوراً عن كل شيء من عمل و تربية أطفال و تسوّق و زيارات متبادلة ؛ حتى المسافر لازم يقطع زيارته فوراً و المغترب يجب أن يعود ..لازم الشعب الأردني بكامل أعماره من الرضيع إلى الشايب الذي ينتظر ..كله كله ..أن ينخرط فوراً في دورة شاملة اسمها : اعرف نوابك .. | | .
المراجع
جريدة الدستور
التصانيف
صحافة كامل النصيرات جريدة الدستور
login |