السياسي القادم

لدّاد: مالك يا وَليّة مش عارفة تقعدي ؟؟

غَبْشَة: قلبي يغلي يا لدّاد ..خايفة خايفة

لدّاد: خايفة من إيش ..؟؟

غَبْشَة:خايفة أحمل ..؟؟

لدّاد: يوم المُنى ..يا ريت

غَبْشَة: بس أنا ما بدّي ..

لدّاد: وليش ..ما أنا خابرك بتستنّي بهاللحظة ؟؟

غَبْشَة: هاظ الحكي زمان ..أمّا هسّة شو بدّي في الخلفة ؟؟

لدّاد: وشو إللي جد عليكِ ..صاير معك إشي ؟؟

غَبْشَة: والله يا حبيبي يا لدّاد ..كل ما أفكّر ..ليش أخلّف ..وأخلّف عشان أقهر إللي أخلفه ..مصاريفه رح تكون كثيرة ..وطلبات تربايته ما رح نقدر عليها..

لدّاد: ارمي حمولك على واحد أحد ..إللي بيجي رح يجيب رزقو معو

غَبْشَة: بس أنا خايفة يطلع يحب السياسة

لدّاد: بيكون أحسن وأحسن ..يا ريت يا غبّوشتي

غَبْشَة: طيب كيف يحب السياسة وهو في الوطن العربي

لدّاد: مالك يا مَرَة ..بدّك تخلفيه يعني بلندن وإلاّ بأمريكا ..؟؟

غَبْشَة: أنا قصدي ..لو طلع سياسي في وطنا معقول رح يلقالو محط رجل..؟؟

لدّاد: ولا تهتمّي ..على زمانو رح يكون السياسي مش أحزاب وتنظيمات ومظاهرات ..

غَبْشَة: ها شو رح يكون

لدّاد: السياسي رح يكون إللي بيصحى من النوم وقدر يقول السلام عليكم ..أو صباح الخير ..

المراجع

جريدة الدستور

تصفح الموسوعة

المقالات الأكثر قراءة