كل النكت الآن ما إلها طعم ..معادة أو مكررة أو منسوخة أو ملطوشة .. والمشكلة إنو النكت كانت زمان طويلة كثير كثير ..هسة كل النكت قصيرة ..وكلهن كلمتين ورد غطاهن ..
| يعني مثال : مرة واحد لف الكوربة انطعج .. بايخة وسمجة و قصيرة ..بس أوّل ما طلعت كانت شبّة وحريقة ونار موقدة .. | |
الآن ..هناك ملايين النكت الأقصر من القصيرة ..هي عبارة عن كلمة واحدة ..مجرد ذكرها لحالها ..تضحك أو تتنهد وتبتسم ..تعالوا خلوني أحكيلكوا أمثلة على النكت أم كلمة وحدة ..العراق..فلسطين..فساد ..اضراب..حكومة..رواتب..موظف..مواطن..جهاد..أوباما..انتخابات ....كهربا..ميّة..فوط..حليب..منسف..مقلوبة..أسعار.. وهلمّ جرّا.. | |
أنا متأكد أن الغالبية منكم ابتسمت على النكت السابقة إللي من كلمة وحدة ..مجرد ذكر اللفظة تحس إنو فيه إشي يزغزغ فيك ..بس ما رأيكم لو بحثنا عن نكتة أقصر وأسرع ..وخلينا نقول انها أسرع نكتة بالعالم ..كيف ممكن نعملها ..؟؟ تعالوا نفكِّر مع بعض ..شو هي الشغلة إللي أصغر من كلمة و ممكن تصير نكتة وبتضحك وبتكون صرعة وجديدة ..؟؟
بالنسبة إلي بحثت طويلاً عن أسرع نكتة في العالم ..فلم أجد إلاّ نكتة واحدة فقط لا غير ..هي حرف الراء منفرداً باللفظ ..يعني ..رْ..رْ..رْ..رْ..رْ..كل واحد ما يحكي كلمة ؛ أنت بسرعة البرق الفظْ حرف الراء وعليه سيكون : رْ..رْ..رْ..رْ..رْ...صحيح إنك ستتحوّل إلى راعي غنم ..بس رح تعبّر بطريقة ساخرة عن رفضك لكل ما يقال .. | |
على فكرة إللي مش معجبه حرف الراء أبو سكون ؛ بإمكانه إختيار أي حرف يشاء بشرط يكون عليه سكون ..حتى تتحقق معادلة أقصر وأسرع نكتة بالعالم ..؟؟؟
المراجع
جريدة الدستور
التصانيف
صحافة كامل النصيرات جريدة الدستور
login |