أم يحيى: ظلينا واقفين وما إجانا الدور. مع إنه كان في ناس بتفوت من الباب عالشباك طوَالي!
جميل: يا زلمة والله ماني عارف وين بدي أودي وجهي قُدام صحابي، هذا أبوي ملزِّم يروح يسجل اسمه بالبريد!
ظريفة: هيني بطبخ كل طبختي على راس الصوبة، يا شيخة من وين بدنا نجيب؟ حتى الجرة أم عشرة بتحسّي فيهاش بركة!
أبو ورد: هلقيت بقدر أوكّل حدا ثاني يروح يقبض المعونة عني؟ والله ماني قادر!
أم يوسف: مش رايحة معاه المرة الجاي لو إيش! هبط السكري وأنا واقفة وكنت بدي أموت.
تمارا: أووف! شو دخلني أنا إذا ما طلعلكو معونة؟ بدي قسط المعهد وإلا والله برسب بالإنجليزي السنة، أنتو حرين!
وسيم: إطفي الشعلة الثانية بسرعة، لو صحي بابا وشافها هيك رح يعاقبنا!
أمل: أستغفر الله العظيم! هما مش قالوا أي فرع لبنك الإسكان بنفع؟
أبو النور: علّي علّي التلفزيون، وطّي صوتك ولا خلينا نفهم، زي اللي سمعت كلمة خبز؟!
موظف البنك: مهو يا بتلتزموا بالدور، يا إما وقسما بالله العظيم، ما بصرف ولا شيك!
أبو أمل: بلا فلسطين بلا سورية! الواحد مش ملحق على تعبه!
علي: رايح على مديرية ضريبة الدخل، بدي أعترض على الكشوفات، إذا أنا وطلال عيّنونا سوا بنفس اليوم وبنفس المدرسة، ليش هو آه وأنا لأ؟!
موظف البريد: وبعدييييييييين؟ أي هو إنت ما تعبتش؟ يا رجل أكثر من ثمنمية بدينار فش معونة.. أكتبها على صباحي؟!
المذيع: هذا وقد أشاد المواطنون بآلية توزيع شيكات دعم المحروقات في المكاتب البريدية المنتشرة في أنحاء المملكة، شاكرين الجهود الطيبة التي يقدمها موظفو البريد، رغم اكتظاظ عدد المراجعين، تقرير الزميل أيمن حسين.
سامية: ما قبضناش يمه! هدول بدهم لسه أفتح حساب عندهم. خفت أطوّل على الدوام، قلت برجع بكرا قبل الشمس!
أبو تيسير: هيني بقولك! إذا بسمع إنك نزلت عالحسيني بكرا، ترجعش عالدار أحسنلك!
إعلان: "الرجاء من المواطنين أصحاب شيكات دعم المحروقات التوجه إلى الباب الخلفي من الفرع".
مهند: يمه برد.. خلينا نشعلها اليوم!
محمد: يمه طب مش قبضتي المعونة الشهر؟
فيصل: يمه إنت ما شريتي كاز؟
يسرا: خلص يمه، تعيطيش!
المراجع
alghad.com
التصانيف
صحافة جريدة الغد حنان كامل الشيخ الآداب