تغط بالكمبل


تعرفون كيس النوم ( sleeping Bag )
زين .. اللي يعرف يعلم اللي ما يعرف ..
كيس النوم هذا .. صديق الشباب هناك .. لهم معاه سوالف ..
---
وادي ( سرخاب ) في اللوقر .. وقت القايلة .. والشباب متطرحين ..
اللي نايم تحت شجرة واللي نايم في الخيمة ..
فجأة يصرخ أحدهم .. إنـتـشـــــــــــــــار
ما تدري أيهم أسبق .. صرخته .. أم أزيز الطائرات التي رمت بحملها في بطن الوادي
الشباب تناثروا ..
بالفطرة طبعاً مو بكيفهم ..
طلعوا من الخيمة يتراكضون .. إلى الخنادق البرميلية ..
باقي في الخيمة واحد ..
وش سالفته .. ليش ما طلع .. أكيد هذا شجاع حيل .. و الا ثقيل نوم
لا هذي .. ولا تلك .
الرجال قام فزعاً مثل غيره ..
يبي يقوم مو قادر .. كيس النوم ضيق .. وغاطس فيه إلى إذنه
طيب مو مشكلة .. فك السحّاب .. الزنجيز
إلا .. فيه مشكلة .. السحّاب اختفى ..
الرجال يتقلب وهو نايم .. والسحّاب صاير وراء ظهره ..
يحاول يمين يسار .. صار مثل المربّط .. مو قادر يقوم .. ولا هو قادر يطول السحّاب
الطائرات تقصف .. وأخونا يتصارع مع الكيس ..
وكلما سمع صوت قذيفة .. كلما اشتد في المصارعة مع الكيس ..
بعد ما راحت الطائرات .. وانتهى القصف ..
وإذا بالشباب .. يرونه خارج من الخيمة .. يناقز و هو داخل الكيس
خطوتين و الثالثة على وجهه ..
كأنه الدودة اللي تطلع بالرسوم المتحركة ..
---
لا صرت في ( سرخاب ) والقصف حاديك
تغط بالكمبل خل عنك المصاخة
يا خوي في الخندق تناديني ولا جيك
محبوس في الكيس من زود الدلاخة

المراجع

saaid.net

التصانيف

قصص  مجتمع   قصة  


مقالات قد تهمك

تصفح الموسوعة

المقالات الأكثر قراءة