يا جَنَا .. أبداً جَرَالَكْ أمرْ مِن هَذَا القبيلْ ،
إنك مسافر فى بلاد بره .. وزول عابر سبيلْ
تلقاك بنية حليوة .. زى موية السبيلْ ،
يا ماشى زى الغابة .. يا زولْ .. يا جميلْ
وَقفْ .. وهاكنى معاكْ .. وسافِرْ .. يا جميلْ ،
بس المطرْ كان قاجى .. والليل كان جميلْ
والبندقية .. جزيرة الطِليان ..
والبحرِ رايقْ .. والمزاجْ . .
وشربنا . . ناماً شُفنا ايطاليا مدنقرة فى المحيطْ،
ويمين – حلفنا – نعومْ .. وكان الكيفْ تقيلْ
يا زول حَصَلْ .. زى ما حَصَل . .
والطلايناتْ ديكْ . . يا ليلْ ،
. . . بَس المطر كان قاجى .. والليل كان جميلْ